பல எலும்பு முறிவு; தசை நார் கிழிவு; வீட்டில் படுத்த படுக்கையாய் இருந்த அருண் விஜய் – ஆனாலும் ஆனந்தம்…!!
இயக்குனர் ஏ.எல்.விஜய் இயக்கத்தில் லைகா ப்ரொடக்ஷன்ஸ் நிறுவனம் தயாரிப்பில் அருண் விஜய் நடித்த மிஷன் சாப்டர் 1 திரைப்படம் கடந்த ஜனவரி 12ஆம் திகதி ரிலீசானது.
ஆக்ஷன் திரில்லர் திரைப்படமாக உருவாக்கியிருக்கும் இந்த படத்தில் நடிகைகள் எமி ஜாக்சன், நிமிஷா சஜயன் உள்ளிட்டவர் முக்கிய கதாபாத்திரத்தில் நடித்திருக்கிறார்கள். ஜிவி பிரகாஷ் இசையமைக்க முழுக்க முழுக்க அடுத்தது என்ன நடக்கும் என்கிற எதிர்பார்ப்போடு இந்த திரைப்படம் அமைந்திருக்கிறது.
பெரிய படங்களான கேப்டன் மில்லர், அயலான் போன்ற திரைப்படங்களோடு பொங்கல் ரேஸில் மோதியா மிஷன் சாப்டர் 1 வசூல் மற்றும் இறுதியாக வெற்றி பெற்று இருக்கிறது. திரைப்படம் ரிலீஸ் ஆகி இன்றோடு பத்து நாட்கள் ஆகியிருக்கிறது. தற்போது வரை இந்த படத்திற்கான திரையரங்கு காட்சிகள் அதிகமாகிக் கொண்டே இருக்கிறது.
இன்னும் வாரயிறுதி நாட்களில் படத்திற்கு செல்லக்கூடியவர்களின் எண்ணிக்கையும் அதிகமாகி கொண்டு இருக்கிறது. அந்த வகையில் படத்திற்கு கிடைத்திருக்கும் நல்ல வரவேற்பு மற்றும் ஆதரவை நினைவுகூறி நன்றி தெரிவிக்கும் விதமாக அருண் விஜய் தனது சமூக வலைதள பக்கத்தில் ஒரு பதிவை பகிர்ந்திருக்கிறார்.
இந்த படத்தில் எக்கச்சக்கமான சண்டை காட்சிகளும் ஆக்சன் காட்சிகளும் இடம் பெற்று இருக்கிறது. அந்த வகையில் படப்பிடிக்கும் போது எடுக்கப்பட்ட ஆக்ஷன் காட்சிகளின்போது ஏற்பட்ட காயங்களை போட்டோவாக எடுத்துக்கொண்டு, மருத்துவமனையில் சிகிச்சை பெற்றதனையும் பகிர்ந்து, மக்கள் கொடுத்திருக்கும் ஆதரவினால் காயங்களின் வலிகள் எதுவுமே தெரியவில்லை எனும் வகையில் பதிவை பகிர்ந்து இருக்கிறார் அருண் விஜய்.
அருண் விஜயின் இந்த பதிவு வலியோடு சேர்ந்து நெகிழ்ச்சியும் ஏற்படுத்தியிருக்கிறது. இந்த பதிவை பார்த்து அவரை பாராட்டுகிறார்கள் ரசிகர்கள். அருண் விஜயின் இந்த பதிவின் கமெண்டல் அவரது அர்ப்பணிப்பையும் கடின உழைப்பையும் போற்றும் வகையிலான கமெண்ட்கள் அதிகமாக வருகிறது. அது மட்டுமல்லாமல் சமீபத்தில் அவர் கலந்து கொண்ட நிகழ்ச்சிகளிலும் கையில் கட்டோடு காணப்பட்டிருந்தார்.
அந்த வகையில் அருண் விஜய் சீக்கிரமே குணமடைய வேண்டும் என்றும் திரைப்படம் இன்னும் பற்பல வெற்றியை குவிக்கும் என்றும் வாழ்த்தி வருகிறார்கள் ரசிகர்கள். இயக்குனர் ஏ.எல்.விஜய் இயக்கத்தில் அருண் விஜயின் இந்த திரைப்படம் கண்டிப்பாக அவரது கெரியரில் மிகப்பெரிய திருப்புமனையை ஏற்படுத்தும் என்பதில் சந்தேகம் இல்லை.
