ஹரிஷ் கல்யாண், எம்.எஸ். பாஸ்கர், இந்துஜா ரவிச்சந்திரன் நடிப்பில் வெளியாகவுள்ள படம் ‘பார்க்கிங்’. இப்படம் ரிலீஸ் ஆவதற்கு முன்பாகவே திரையுலகை சார்ந்த பிரபலங்களுக்கு சிறப்பு காட்சிகள் போட்டுள்ளனர் படக்குழுவினர்..
இந்நிலையில் ‘பார்க்கிங்’ படம் குறித்து இயக்குனர் நெல்சன் திலீப்குமார் தனது எக்ஸ் தளத்தில் பகிர்ந்துள்ள பதிவு இணையத்தில் வைரலாகி வருகிறது.
அந்த பதிவில் கூறியிருப்பதாவது…
பார்க்கிங் படம் மிகவும் அருமை. எம்.எஸ். பாஸ்கர், ஹரிஸ் கல்யாண், இந்துஜாவின் நடிப்பு அட்டகாசம். முதல் படத்திலயே நல்ல படைப்பை கொடுத்துள்ளார் இயக்குனர் ராம்குமார்.
கண்டிப்பாக இப்படம் பாக்ஸ் ஆபிஸில் நல்ல வெற்றியை பெறும். படக்குழுவினருக்கு என்னுடைய வாழ்த்துக்கள் என பதிவிட்டுள்ளார். அதே போல் நடிகர் கெளதம் கார்த்திக் மற்றும் நடிகை அஞ்சலி உள்ளிட்டோர் தங்களது எக்ஸ் தளத்தில் ‘பார்க்கிங்’ படத்தை பாராட்டி பதிவுகளை பகிர்ந்துள்ளனர். திரையுலக பிரபலங்களின் பாராட்டு மழையில் இப்படம் நனைந்து வருவது ரசிகர்கள் இடையில் பெரும் எதிர்பார்ப்பினை கிளப்பியுள்ளது.
இதனிடையில் பத்திரிக்கையாளர்கள், சினிமா விமர்சகர்களுக்கும் ‘பார்க்கிங்’ சிறப்பு காட்சி திரையிடப்பட்டுள்ளது. அவர்கள் மத்தியிலும் படம் பாராட்டுக்களை அள்ளி வருகிறது. குறிப்பாக எம்.எஸ். பாஸ்கரின் நடிப்பை படம் பார்த்த அனைவரும் பாராட்டி தள்ளி வருகின்றனர்.
இன்று ஹரிஸ் கல்யாணின் பார்க்கிங் படத்துடன் ரன்பீர் கபூர் நடிப்பில் உருவாகியுள்ள ‘அனிமல்’ மற்றும் நயன்தாரா நடித்துள்ள ‘அன்னபூரணி’ ஆகிய படங்களும் ரிலீசாகியுள்ளது. இதில் ‘அனிமல்’ படத்தின் நீளம் 3 மணிநேரம் 21 நிமிடம் என்பது குறிப்பிடத்தக்கது.
