ரஜினி தற்போது இயக்குனர் ஞானவேலின் இயக்கத்தில் வேட்டையன் என்ற படத்தில் நடித்து வருகின்றார்.இப்படம் அடுத்தாண்டு ஏப்ரல் மாதம் தமிழ் புத்தாண்டு முன்னிட்டு வெளியாக இருக்கின்றது.
இதற்கிடையில் ரஜினி தன் மகள் ஐஸ்வர்யாவின் இயக்கத்தில் லால் சலாம் என்ற படத்தில் நடித்துள்ளார். விஷ்ணு விஷால் மற்றும் விக்ராந்த் நாயகர்களாக இப்படத்தில் நடிக்க ரஜினி சிறப்பு தோற்றத்தில் இப்படத்தில் நடித்துள்ளார். மொய்தீன் பாய் என்ற ரோலில் ரஜினி லால் சலாம் படத்தில் நடித்துள்ளதாக அதிகாரபூர்வமாக அறிவிக்கப்பட்டது.
இந்நிலையில் லால் சலாம் திரைப்படம் பொங்கல் பண்டிகையை முன்னிட்டு திரையில் வெளியாக இருப்பதாக அறிவிப்புகள் வெளியிடப்பட்டன. ஆனால் அதற்கு தற்போது சிக்கல் ஏற்பட்டுள்ளதாம். லால் சலாம் படத்தின் OTT ரைட்ஸ் இன்னும் விற்கப்படவில்லையாம். இதன் காரணமாக லால் சலாம் படத்தின் வெளியீடு தள்ளிப்போகவும் வாய்ப்புள்ளதாக கோலிவுட் வட்டாரத்தில் பேசி வருகின்றனர்.
ரஜினி நடித்த திரைப்படத்தின் டிஜிட்டல் ரைட்ஸ் இன்னும் விற்கப்படவில்லை என்ற தகவலை கேட்டு ரசிகர்கள் ஆச்சர்யத்தில் இருக்கின்றனர். சமீபத்தில் ஜெயிலர் என்ற வெற்றி படத்தை கொடுத்த தலைவருக்கே இந்த நிலைமையா என ரசிகர்கள் கூறி வருகின்றனர். ஆனால் OTT தளங்களில் மாதத்திற்கு ஒரு படம் தான் வாங்க இருப்பதாக ஒரு முடிவை எடுத்துள்ளதாம்.
இது வருட கடைசி என்பதால் ஏற்கனவே முன்னணி OTT தளங்கள் இந்த வருடத்திற்கான படங்களை வாங்கிவிட்டதாகவும், அடுத்த வருடம் தான் படங்களை வாங்க இருப்பதாகவும் ஒரு தகவல்கள் வருகின்றன. அதன் காரணமாகத்தான் ரஜினி நடித்த லால் சலாம் திரைப்படத்தின் OTT உரிமை இன்னும் விற்கப்படவில்லை என ஒரு தகவல் வெளியாகியுள்ளது.
