![raveena and mani spoked with vikram about what raveena's relative said](https://dhuruvan.com/wp-content/uploads/2023/12/mani-106199024-700x470.webp)
பிக் பாஸ் 7 வீட்டிற்கு வந்த ரவீணாவின் உறவினர் மணி சந்திராவை கண்டித்தார். ரவீணாவை தனியா அழைத்துச் சென்று பேசத் தான் இந்த ஷோவுக்கு வந்தீங்களா, இனியும் ஓரமாக போய் உட்கார்ந்து பேசுவதை நிறுத்தவும் என கண்டித்தார்.
இந்நிலையில் அந்த அம்மா நேற்று வந்து விளாசியது பற்றி ரவீணாவும், மணியும், விக்ரமை சாட்சியாக வைத்து பேசிய ப்ரொமோ வீடியோ வெளியாகியுள்ளது.
தனியாக பேசக் கூடாது என்று சொன்னதாலோ என்னவோ, விக்ரமை உடன் வைத்து பேசியிருக்கிறார்கள் மணியும், ரவீணாவும். அவர்கள் இருவரும் பேச, இதில் நான் என்னடா பண்றேன் என்பது போன்று ரியாக்ஷன் கொடுத்தார் விக்ரம்.
என்னை ஆரம்பத்திலேயே அசிங்கப்படுத்திட்டாங்க, இரண்டு பேருமே என ரவீணாவிடம் கூறியிருக்கிறார் மணி சந்திரா. இது தப்பா போகும் என்பது எங்களுக்கு தெரியும். அம்மா வந்திருந்தால் சொல்லியிருப்பாங்களானு தெரியல எனக்கு என மணி கூறினார். அம்மா வந்திருந்தால் டபுளாக சொல்லியிருப்பாங்கனு ரவீணா சொன்னார். என்னடா இதெல்லாம் சொல்லிகிட்டு இருக்காங்க, என்ன இது என்பது மாதிரி தான் இருந்தது என ரவீணாவிடம் கூறினார் மணி.
ரவீணா வீட்டில் இருந்து வந்தவர்களுக்கு மணி சந்திராவை பிடிக்கவில்லை. மணியின் அம்மா நடந்து கொண்டதை பார்த்தால் அவருக்கு ரவீணாவை பிடிக்கவில்லை என்பது போன்று தெரிகிறது.
இரு வீட்டாரும் இப்படி காதலுக்கு எதிர்ப்பு தெரிவித்துள்ளதால் தான் அது சுவாரஸ்யமாகியிருக்கிறது. இரு வீட்டாரும் உடனே காதலை ஏற்றுக் கொண்டால் சுவாரஷ்யம் போயிடும் கூறியுள்ளார்கள் பார்வையாளர்கள்.
எதிர்ப்பு வருகிறது என்பதற்காக காதலை கைவிடும் ஆள் போன்று மணியும், ரவீணாவும் தெரியவில்லை. அதனால் இதை வைத்தே இன்னும் இரண்டு, மூன்று நாட்கள் நிகழ்ச்சியை ஓட்டிவிடுவார் பிக் பாஸ் எனவும் விமர்சனம் எழுந்துள்ளது.
இதனிடையே இந்த வாரம் விக்ரமை வெளியேற்ற வாய்ப்புகள் அதிகம் என கூறப்படுகிறது. விக்ரமை வெளியேற்றவிட மாட்டோம் என ஆதரவாளர்கள் கூறி வருகிறார்கள். இந்நிலையில் தான் அனைவரின் கவனத்தையும் மணி, ரவீணா பக்கம் திருப்பியிருக்கிறார்கள்.
ரவீணா, மணியின் காதலுக்கு வீட்டில் எதிர்ப்பு கிளம்பியிருப்பதால் ரவீணாவை இந்த வாரம் வெளியேற்றலாம் அல்லவா பிக் பாஸ் என பார்வையாளர்கள் ஒருபக்கம் கூறி வருகிறார்கள்.