Shanu
Matale
அமெரிக்காவின் லொஸ் ஏஞ்சல்ஸ் நகரில் ஏற்பட்ட காட்டுத்தீ வேகமாக பரவி வருகிறது. இதுவரை, 35 ஆயிரம் ஏக்கர் காட்டுத்தீக்கு இரையாகியுள்ளது. சுமார் 12 ஆயிரம் வீடுகள் உள்ளிட்ட கட்டடங்கள் எரிந்து நாசமாகியுள்ள நிலையில், பல்லாயிரக்கணக்கான மக்கள் வீடுகளை விட்டு வெளியேறியுள்ளனர். காட்டுத் தீயில் சிக்கி 16 பேர் உயிரிழந்துள்ள நிலையில், பலி எண்ணிக்கை மேலும் அதிகரிக்கலாம் என அஞ்சப்படுகிறது.
இந்நிலையில், லாஸ் ஏஞ்சல்ஸில் காட்டுத்தீயுடன் போராடும் பணியில் தீயை அணைக்கும் முயற்சிகளில் ஒரு குறிப்பிடத்தக்க அம்சமாக பாஸ்-செக் எனப்படும் பிரகாசமான இளஞ்சிவப்பு (பிங்க்) தீ தடுப்பு மருந்தின் பரவலான பயன்படுத்தப்பட்டு வருகிறது. ஹெலிகாப்டர்கள் மூலமாக இந்த பிங்க் நிற ரசாயன பவுடர் தீயால் பாதிக்கப்பட்ட மற்றும் அருகாமை பகுதிகளில் தூவப்பட்டது. பெரும் பேரழிவுகளை ஏற்படுத்தி அச்சுறுத்தி வரும் தீப்பிழம்புகள் முன்னேறிச் செல்வதை தடுக்கும்ப் பணியில் இந்த ரசாயனம் ஒரு முக்கியமான கருவியாக மாறியுள்ளது.
ஃபோஸ்-செக் ரசாடப கலவையில் 80% நீர், 14% உரம் போன்ற உப்புகள் மற்றும் 6% நிற மூட்டும் காரணிகள் மற்றும் அரிப்பு தடுப்பான்கள் உள்ளன. பிங்க் நிறம் அழகியலுக்காகப் பயன்படுத்தப்படவில்லை. இது ஒரு வடிவமைப்பின் ஒரு பகுதியாகும். அம்மோனியம் பாலி பாஸ்பேட் போன்ற உப்புகள் இந்த ரசாயனத்தின் முக்கிய கூறுகளாக உள்ளதால் அதும் தீயை கட்டுக்குள் கொண்டுவர உதவுகிறது. இது விமானிகள் மற்றும் தரைப் பணியாளர்கள் டிராப் லைனை குறிவைக்க அனுமதிக்கிறது. சரியான நேரத்தில், சூரிய ஒளியை வெளிப்படுத்துவது மண் நிறத்திற்கு கருமையாகிறது.
பெரிமீட்டர் சொல்யூஷன்ஸ் நிறுவனத்தின் மூலம் உருவாக்கப்பட்ட இந்த ஃபோஸ்-செக் ரசாயனம் கடந்த 60 ஆண்டுகளுக்கும் மேலாக காட்டுத்தீயை அடக்குவதில் பங்களிப்பு செலுத்தி வருகிறது. 1963 இல் அமெரிக்க அமைப்பால் முதன்முதலில் இந்த ரசாயனம் அங்கீகரிக்கப்பட்டது. இந்த ரசாயனம் விமான நிலையம் உள்ளிட்ட பல்வேறு இடங்களில் பயன்படுத்தப்படுகிறது.
காட்டுத்தீயை எதிர்த்துப் போராடுவதில் பிங்க் நிற ரசாயனத் தூள் ஒரு சக்திவாய்ந்த கருவியாக பயன்பட்டாலும், சுற்றுச்சூழல் நிபுணர்கள், சுற்றுச்சூழல் அமைப்புகள் மற்றும் மனிதர்களின் உடல்நிலை மீது அது செலுத்தும் தாக்கம் குறித்து கவலைகளை எழுப்பியுள்ளனர். கனரக உலோகங்கள் உட்பட தீ தடுப்புகளில் உள்ள இரசாயனங்கள் சுற்றுச்சூழலுக்கு நச்சு அச்சுறுத்தலை ஏற்படுத்துவதாக ஆராய்ச்சிகள் தெரிவிக்கின்றன. இவை வனவிலங்குகளுக்கு தீங்கு விளைவிப்பதோடு, நீர் வழிகளையும் மாசுபடுத்தும் என்று அந்த அறிக்கைகள் கூறுகின்றன.
