சுவிட்சர்லாந்தில் வாடகை வீடுகளில் வசிப்போருக்கு கவலையளிக்கும் ஒரு செய்தி வெளியாகியுள்ளது. ஆம், வீட்டு வாடகைகள் மீண்டும் உயர்த்தப்பட இருப்பதாக தகவல் வெளியாகியுள்ளது.
பெடரல் வீட்டு வசதி அலுவலகம், ‘reference interest rate’ என்னும் ஒரு வட்டி வீதத்தை நிர்ணயிக்கிறது. அதன் அடிப்படையில்தான் வீடுகளின் உரிமையாளர்கள் வாடகைகளை நிர்ணயிக்கிறார்கள்.
ஜூன் மாதம், பெடரல் வீட்டு வசதி அலுவலகம் இந்த வட்டி வீதத்தை உயர்த்திய நிலையில், தற்போது மீண்டும் அது அதிகரிக்க உள்ளது. அந்த உயர்வு வெள்ளிக்கிழமை அமுலுக்கு வருகிறது.
மக்கள் ஏற்கனவே பணவீக்கத்தாலும், அதிகரித்துள்ள மருத்துவக் காப்பீட்டு பிரீமியத்தாலும் பாதிக்கப்பட்டுள்ளார்கள்.
இந்நிலையில், தற்போது கூடுதலாக இந்த வாடகை உயர்வு அவர்கள் கவலையை அதிகரிக்கச் செய்துள்ளது குறிப்பிடத்தக்கது.
