பிக் பாஸ் 7 வீட்டில் இருந்த பிரதீப் ஆண்டனி பெண்கள் விஷயத்தில் மோசம் என சொல்லி மாயா, பூர்ணிமா உள்ளிட்டோர் ரெட் கார்டு கொடுத்தார்கள். இந்நிலையில் தினேஷுக்கும் ரெட் கார்டு கொடுக்கப் பார்க்கிறார் மாயா என பேச்சு கிளம்பியிருக்கிறது.
இன்று காலை வெளியாகியிருக்கும் ப்ரொமோ வீடியோவில் தினேஷ், மாயா வாக்குவாதம் செய்திருக்கிறார்கள்.
திருந்தவே திருந்தாத கேஸ் என மாயா சொல்வதுடன் ப்ரொமோ வீடியோ துவங்கியிருக்கிறது. இவங்க இஷ்டத்துக்கு கழட்டுவாங்களாம். பூர்ணிமாவிடம் ஒரு நாள் பேசாவிட்டால் குடிமுழுகி போயிடுமா என தினேஷ் ஒரு பக்கம் கடுப்பானார்.
இதையடுத்து கேப்டன் நிக்சன் தினேஷை அழைத்து மாயாவின் கையுடன் கயிறை கட்டச் சொன்னார். கயிறை போட்டு டைட் செய்தார் தினேஷ். உடனே தினேஷ் தன்னை தொடுவதாக சொல்லி சத்தம் போட்டார் மாயா.
என்னை தொடுவதற்கு உங்களுக்கு எந்த உரிமையும் இல்லை. நான்சென்ஸ் என தினேஷிடம் கத்திவிட்டு இடத்தை காலி செய்தார் மாயா. நான்சென்ஸா யார் நான்சென்ஸ் என தினேஷ் கேட்க, நீ தான் என மாயா சொன்னார். அதை கேட்ட தினேஷோ நீ தான் நான்சென்ஸ், கெளம்பு, சும்மானு கடுப்பில் பேசினார். அத்துடன் ப்ரொமோ வீடியோ முடிந்துவிட்டது.
ப்ரொமோ வீடியோவை பார்த்தவர்கள் கூறியிருப்பதாவது,
தினேஷ் கயிறை டைட் செய்வது நன்றாக தெரிகிறது. அப்படி இருக்கும்போது அவர் தன்னை தொடுவதாக பொய் சொல்கிறாரே மாயா. இவருக்கு இதே வேலையாகிவிட்டது. பிரதீப் ஆண்டனிக்கு எப்படி பெண்கள் விஷயத்தில் ரெட் கார்டு கொடுத்தாரோ அதே போன்று தினேஷுக்கும் ஒன்று ரெடி பண்ணுகிறார். இந்த முறை நாங்க சும்மா இருக்க மாட்டோம் மாயா.
மாயா தான் நான்சென்ஸ். முதலில் அவரை வெளியேற்றுங்கள். தினேஷை டார்கெட் செய்கிறார் மாயா. அவருக்கு தினேஷ் லெஃப்ட் அன்ட் ரைட் கொடுப்பது பிடிக்கவில்லை என தெரிவித்துள்ளனர்.
ஆண்டவரே, பிரதீப் ஆண்டனி விஷயத்தில் தான் மாயா சொன்னதை நம்பிவிட்டீர்கள். தினேஷ் விஷயத்திலும் நம்பிவிடாதீர்கள். அவர் மாயாவை தொடவில்லை. அவர் பெண்கள் விஷயத்தில் மோசமும் இல்லை. தேவையில்லாமல் மீண்டும் உங்களையும் வம்பில் மாட்டிவிட பார்க்கிறார் மாயா என்கிறார்கள் பார்வையாளர்கள்.
இதற்கிடையே ஒரு சிலரோ, இந்த ப்ரொமோ வீடியோவும் மொக்கையாக இருக்கு பிக் பாஸ். இந்த சீசனில் யாரும் சரியில்லை. வெளியே நடப்பதை தெரிந்து கொண்டு வந்து முதலில் நல்லவிதமாக நடந்தார்.
தற்போது மெதுவாக அவரின் குணம் மாறிக் கொண்டிருக்கிறது. எதற்கெடுத்தாலும் கத்துவதால் பெயரை கெடுத்துக் கொண்டிருக்கிறார். அவரால் பிக் பாஸ் வீட்டில் இருக்க முடியவில்லை போன்று. அதனால் அடுத்த வாரம் அர்ச்சனாவை வெளியே அனுப்பி வைக்கவும் பிக் பாஸ் என பார்வையாளர்கள் கோரிக்கை விடுத்துள்ளனர்.
