கமல் இடத்தை பிடித்த பிக் பாஸ்; வெட்கித் தலைகுனிந்த ஹவுஸ்மேட்ஸ் – கைதட்டி சிரிக்கும் பார்வையாளர்கள்…!!
பிக் பாஸ் வீட்டில் இன்று டான்ஸ் மாரத்தான் என சொல்லி வெளியான முதல் ப்ரொமோ வீடியோவில் ஆளாளுக்கு சூப்பராக டான்ஸ் ஆடினார்கள்.
இந்நிலையில் வெளியாகியிருக்கும் இரண்டாவது ப்ரொமோ வீடியோவில் ஹவுஸ்மேட்ஸை விளாசியிருக்கிறார் பிக் பாஸ். ஹவுஸ்மேட்ஸ் பண்ணும் அட்டகாசத்தை எல்லாம் தட்டிக் கேட்கவே மாட்டீங்களா பிக் பாஸ்? உங்களுக்கு கோபமே வராதா என பார்வையாளர்கள் தொடர்ந்து கேட்டு வந்தார்கள். இந்நிலையில் தான் எனக்கு கோபம் வராதுனு யார் சொன்னது என கடுப்பாகி ஹவுஸ்மேட்ஸை வெளுத்துவிட்டிருக்கிறார் பிக் பாஸ்.
உங்களுக்கு கொடுக்கப்பட்ட கரன்சியை ஷேரிங், ஸ்ட்ராடஜி, ஃபேவரிட்டிசம்னு டிஸ்ட்ரிபியூட் பண்ணி உங்களின் வேல்யூவை நீங்களே ஏன் குறைச்சிக்கிட்டீங்க என ஹவுஸ்மேட்ஸிடம் கேட்டிருக்கிறார் பிக் பாஸ்.
போர்டுல என்ன எழுதினாலும் பார்த்துக்கிட்டு சும்மா விட்டுடுவேனு நினைச்சீங்களானு கோபமாக கேட்டார் பிக் பாஸ்.
இந்த காசு தேவையில்லைனு மாயா சொல்ல அதை கேட்டு கோபப்பட்டு கரன்சியை தட்டிவிட்டார் பூர்ணிமா. தப்பிக்கணும் அதானே தப்பிச்சுக்கோங்க போங்கனு கமெண்ட் வர, வீட்டில் இருந்த பொருளை தட்டிவிட்டுப் போனார் பூர்ணிமா.
அதை பார்த்த பிக் பாஸோ, இந்த வீட்டாருக்கு விதிமுறைகளை மதிக்கும் தன்மை இல்லை என்பது இப்போ எனக்கு தெளிவாக தெரிகிறது என சொல்ல அதை கேட்டு ஹவுஸ்மேட்ஸ் அனைவரும் தலையை குனிந்து கொண்டு பாவம் போன்று நின்றார்கள். இதையடுத்து I am very disappointed in you என்றார் பிக் பாஸ்.
வீட்டில் நடக்கும் அட்டகாசங்களை எல்லாம் பட்டியலிட்டு திட்டியிருக்கிறார் பிக் பாஸ். இதை எல்லாம் கேட்க நல்லாத் தான் இருக்கு பாஸ். ஆனால் நீங்கள் என்ன தான் திட்டினாலும் அதை இந்த காதில் வாங்கி அந்த காதில் விட்டுவிட்டு அவரவர் வேலையை பார்க்கச் சென்றுவிடுவார்கள்.
இது தெரியாமல் உங்கள் எனர்ஜியை வேஸ்ட் செய்து கொண்டிருக்கிறீர்கள் பிக் பாஸ். இந்த மாயாவும், பூர்ணிமாவும் சண்டை போடுவது போன்று மோதிக் கொள்வதும், பின்னர் ஒன்று சேர்வதும் வழக்கமாகிவிட்டது. அதனால் இன்றைய சண்டையை நாங்க நம்பவே மாட்டோமே என பார்வையாளர்கள் தெரிவித்துள்ளனர்.
வார இறுதி நாட்களில் கமல் ஹாசன் வரும் வரைக்கும் காத்திருக்க முடியாது என்று பிக் பாஸே ஹவுஸ்மேட்ஸை விளாசியிருக்கிறார். இது ஒரு நல்ல முன்னேற்றம். தற்போது எல்லாம் வார இறுதி நாட்கள் வந்தால் ஹவுஸ்மேட்ஸை திட்டித் திட்டியே கமல் ஹாசன் களைப்படைந்து விடுகிறார். அதனால் தான் உலக நாயகன் மீது பாவப்பட்டு பிக் பாஸே களத்தில் இறங்கிவிட்டார் போன்று.
